सरपंच आरक्षणात गाव पातळीवरील प्रस्थापित पुढाऱ्यांना संधी…

प्रकाश महिपाळे

नायगाव : येथील तहसील कार्यालयात बिलोलीच्या उपविभागीय अधिकारी सौ. क्रांती डोंबे यांच्या उपस्थितीत तालुक्यातील ८० गावच्या सरपंच पदाच्या आरक्षणाची सोडत दि. १ जुलै रोजी दुपारी ३ वाजता काढण्यात आली. यावेळी मांजरम, घुंगराळा, गडगा, कोलंबी, कोकलेगाव, शेळगाव गौरी, टेंभुर्णी हुस्सा व कुष्णूर सारखी महत्वाची गावे सर्वसाधारण प्रवर्गासाठी आरक्षित झाली आहेत. त्यामुळे गावपातळीवरील प्रस्थापित पुढाऱ्यांना सरपंच होण्याची संधी मिळणार आहे.

नायगाव तालुक्यातील सन २०२५ ते २०३० या दरम्यान होणाऱ्या तालुक्यातील ८० ग्रामपंचायतच्या सरपंचपदाच्या आरक्षणाची सोडत दि. २५ एप्रिल रोजी तहसील कार्यालयात काढण्यात आली. हे आरक्षण दि.५ मार्च २०२५ पासून पुढील पाच वर्षांसाठी असणार असल्याचे जाहीर करण्यात आले होते.

जाहीर झालेल्या आरक्षणानुसार गावातील पुढारी निवडणुकीच्या तयारीला लागले होते. परंतु नव्याने आरक्षण काढण्याबाबत राज्याचे अव्वर सचिव बा.म. आसोले यांच्या १६ जुनच्या पत्रानुसार जुने आरक्षण रद्द झाले. त्यामुळे दि. १ जुलै रोजी बिलोलीच्या उपविभागीय अधिकारी सौ.क्रांती डोंबे यांच्या उपस्थितीत आरक्षणाची सोडत काढण्यात आली.

यावेळी तहसीलदार सौ.धम्मप्रीया गायकवाड, गटविकास अधिकारी संजय मिरजकर, नायब तहसीलदार विजय येरावाड, सतीश कुलकर्णी, अल्लामवाड, साईनाथ भंडारे अदिंची उपस्थिती होती.

अनु.जाती व अनु.जमाती…
तलबिड, राजनगर, कोठाळा, पिंपळगाव, मुस्तापूर, गोदमगाव, सोमठाणा, खंडगाव (अ.जाती महिला) मुगाव /मुगाव तांडा, कहाळा बु., वंजरवाडी, चारवाडी, टाकळी त.ब., मरवाळी तांडा, खैरगाव, निळेगव्हाण व धुप्पा. अनु. जमाती मरवाळी-कोपरा व रातोळी, महिला – होटाळा व रुई खु.

इतर मागासवर्गीय…
इतर मागासवर्गीय – कारला त.मा., माहेगाव, कुंटूर, टाकळी बु., दरेगाव, बळेगाव, इकळीमाळ, सांगवी, इज्जतगाव बु, डोंगरगाव व मनूर. महिला – ईकळीमोर, शेळगाव छत्री, हिप्परगा जा, पळसगाव- टाकळगाव, सुजलेगाव, बरबडा, राहेर व नरसी. मेळगाव, सावरखेड, केदारवडगाव.

सर्वसाधारण…
टाकळी त.मा, धानोरा त.मा. सातेगाव, घुंगराळा, परडवाडी, कहाळा खु, सालेगाव, कांडाळा, हंगरगा, लालवंडी, कोकलेगाव, कोलंबी, गडगा, पाटोदा, कुष्णूर, मांजरम, मोकासदरा, ताकबिड, बेटकबिलोली. महिला – नरंगल, मांडणी, धनंज, हुस्सा, आलुवडगाव, शेळगाव गौरी, भोपाळा, रुई बु., देगाव, औराळा, गोळेगाव नायगाव वाडी, कु़ंचेली, टेंभुर्णी, अंतरगाव, बेंद्री, अंचोली, रानसुगाव वजिरगाव, नावंदी.