लक्ष्मणराव भवरे यांना ‘राज्यस्तरीय आदर्श महाराष्ट्र रत्न पुरस्कार’ जाहीर
New Bharat Times नेटवर्क
नांदेड : येत्या १ मे रोजी साजरा होणाऱ्या ‘महाराष्ट्र दिना’चे औचित्य साधून, महाराष्ट्रातील विविध क्षेत्रात उल्लेखनिय कार्य करणाऱ्या मान्यवरांचा गौरव करण्यात येणार आहे. यामध्ये नांदेड जिल्ह्याचे सुपुत्र मा.श्री.लक्ष्मणराव मारोतीराव भवरे कामारीकर यांना त्यांच्या पत्रकारिता आणि सामाजिक क्षेत्रातील बहुमोल योगदानाबद्दल यावर्षीचा प्रतिष्ठित ‘राज्यस्तरीय आदर्श महाराष्ट्र रत्न पुरस्कार-२०२६’ जाहीर झाला आहे.
विजेता मीडिया, पुणे यांच्या वतीने या पुरस्काराचे आयोजन करण्यात आले आहे. लक्ष्मणराव भवरे यांनी आपल्या लेखणीच्या माध्यमातून जनसामान्यांचे प्रश्न प्रशासनासमोर मांडले असून, सामाजिक कार्यातही त्यांचा नेहमीच सक्रिय सहभाग असतो. त्यांच्या याच कार्याची दखल घेत राज्यस्तरीय निवड समितीने त्यांची या पुरस्कारासाठी निवड केली आहे.
पुरस्कार वितरण सोहळ्याचे तपशील:
दिनांक: रविवार, २६ एप्रिल २०२६
वेळ: दुपारी १२:०० ते ३:०० वाजेपर्यंत
स्थळ: निवारा वृद्धाश्रम हॉल, एस.एम. जोशी फाऊंडेशनच्या समोर, पत्रकार भवन शेजारी, गांजवे चौक, नवी पेठ, पुणे.
लक्ष्मणराव भवरे यांना हा राज्यस्तरीय पुरस्कार जाहीर झाल्याबद्दल त्यांचे सर्व स्तरातून अभिनंदन होत आहे. या सोहळ्यास त्यांनी आपल्या कुटुंबियांसह उपस्थित राहावे, असे आवाहन आयोजक ‘विजेता मीडिया, पुणे’ यांच्या वतीने करण्यात आले आहे.
“पत्रकारितेच्या माध्यमातून समाजाला आरसा दाखवण्याचे आणि सामाजिक बांधीलकी जोपासण्याचे काम लक्ष्मणराव भवरे सातत्याने करत आहेत. हा पुरस्कार त्यांच्या कष्टाचे आणि निष्ठेचे फळ आहे.”
