मिनकी येथील कर्जबाजारी पिता पुत्राची शेतात गळफास लावून आत्महत्या
अंकुशकुमार देगावकर
बिलोली : तालुक्यातील मिनकी येथील अल्पभूधारक शेतकरी राजेंद्र लक्ष्मण पैलवार वय ४३ व त्याचा शाळकरी मुलगा ओमकार राजेंद्र पैलवार वय १६ या पिता-पुत्राने स्वतःच्या शेतात गळफास घेऊन आत्महत्या केली असल्याची घटना दि. ९ गुरूवारी रोजी सकाळी ९ वाजता घडली आहे.या घटनेतील बाप लेकाचा मृत्युमुळे मिनकी गावात हळहळ व्यक्त होत आहे.
मिनकी येथील अल्पभूधारक शेतकरी राजेंद्र लक्ष्मण पैलवार ४३ यांना २ एकर जमीन आहे. त्या जमिनीवर महाराष्ट्र ग्रामीण बँक शाखा खतगाव येथुन चार लाख रुपये कर्ज आहे.या कर्जासह काही व्यक्तिकडुन अडीअचणीच्या वेळी कर्ज पैलवार यांनी घेतले असल्याची माहिती मिळाली आहे.शेतावर कर्ज व शेतातील सततची नापिकी होत असल्याने मुलांचे शिक्षण खर्च आणि घेतलेल्या कर्जाबाबद नेहमी घरात आर्थिक ताण पडायचा. अशातच उदगीर येथे शिक्षणास असलेला ओमकार राजेंद्र पैलवार वय १६ हा मकर संक्रात निमित्त गावाकडे आला होता.
ओमकारने गावी आल्यानंतर दि. ८ बुधवारी दुपारी वडिलांना संक्रात निमित्त नविन कपडे व शालेय साहित्यसह नवीन मोबाईल घेण्यासाठी पैसे मागत होता.परंतु वडिलांनी जवळ पैसे नसल्यामुळे कांही दिवस थांब पैसे नाहीत पैसे आले की घेऊन देतो असे म्हटल्यावर ओमकार नाराज झाला. वडिलांनी पैसे दिले नाही म्हणून त्याने नैराश्यात येऊन रात्रीच्या वेळेस शेतातील झाडास गळफास घेत आत्महत्या केली.
मुलगा घरी नसल्याचे पाहून वडिलांनी दुसऱ्या दिवशी सकाळी त्याचा शोधाशोध करीत शेताकडे गेले असता शेतातील लिंबाच्या झाडाला मुलगा गळफास घेऊन आत्महत्या केल्याचे पाहताच वडिलांनी मुलाने गळफास घेतलेली दोरी सोडुन तीच दोरी घेवुन त्याच झाडाला गळफास घेत आपली जीवन यात्रा संपवलीआहे. या घटनेमुळे मिनकी गावात सर्वत्र हळहळ व्यक्त होत आहे.
