बोळेगाव येथील रोजगारसेवकाने ६६ घरकुल लाभार्थ्यांचे लाखो रुपये केले हडप
सतीश बळवंतकर
बिलोली :- तालुक्यातील बोळेगाव येथील सन २०२१ ते २०२३ या तीन वर्षाच्या काळात पंतप्रधान आवास, रमाई आवास योजनेतील ६६ घरकुल लाभार्थ्यांचे लाखो रुपये राजु गोणेकर या रोजगारसेवकाने परस्पर कामगारांचे बोगस नावे टाकुन मस्टर काढुन त्या अंतर्गत प्रत्येकी घरकुलासाठी मिळणारे २२ हजार रुपये प्रमाणे लाखो रुपये हाडप केल्याची तक्रार बोळेगाव येथील रहिवासी सामाजिक कार्यकर्ता मारोती भालेराव यांनी दि.२९ सप्टेंबर रोजी मुख्यकार्यकारी अधिकारी जि.प.नांदेड यांच्याकडे केली आहे.
पंतप्रधान, रमाई आवास योजने अंतर्गत मंजुर घरकुल लाभार्थ्याचे सन २०२१ ते २०२३ या तीन वर्षा मध्ये रोजगार हमी योजने अंतर्गत घरकुलाच्या कामावर मजुरांचे बोगस नावे दाखवुन रोजगारसेवकाने जवळपास एका घरकुलामध्ये २२ हजार रुपये या प्रमाणे ६६ घरकुल लाभार्थ्यांचे लाखो रुपये परस्पर हडप केल्याची धक्कादायक बाब समोरआली आहे.
सन २०२१ते २०२३ मध्ये कार्यरथ असलेले, राजु गोणेकर रोजगार सेवकांनी घरकुल लाभार्थींना रोजगार हमी योजने अंतर्गत निघणाऱ्या मजुरांचे बोगस नावे टाकुन परस्पर लाखो रुपयांची रक्कम हडप केली ही बाब घरकुल लाभार्थींना कळताच त्यांनी गट विकास अधिकारी यांच्याकडे धाव घेवुन तक्रार दिली आहे पण त्या तक्रारीवर कारवाई होत नसल्यामुळे लाभार्थी नागरीकांनी मुख्यकार्यकारी अधिकारी जि.प.नांदेड येथे जावुन या विषयी न्याय मागीतला आहे.
घरकुलाचे काम चालु नसतांना रोजगार सेवकाने अधिकाराचा गैरवापर करुन बोगस मजुरांची नावे टाकुन परस्पर रक्कम हडप करणारा रोजगार सेवक राजु गोणेकर हा तांत्रिक पॕनल अधिकारी म्हणुन पंचायत समिती माहुर येथे कार्यरत आहे. अशा भ्रष्ठ कर्मचाऱ्याची सखोल चौकशी करुन याच्यावर फौजदारी कार्यवाही करुन सेवेतुन बडतर्फ करण्याची मागणी तक्रारी निवेदनात आहे.
या निवेदनावर लालु टिकाजी सिंत्रे, वाघमारे सुरेश गंगाराम, रामा लालू वाघमारे, शिवाजी गंगाराम गोणेकर, गंगाराम धुरपता वाघमारे, लक्ष्मीबाई यादव सिंत्रे पोचीराम लक्ष्मण गोगेकर, राजेद्र गंगाराम वाघमारे, आकाश भारत विचारे, रामा मरीबा वाघमारे, किसन मारोती बसवंते, शिवाजी संभाजी वाघमारे, गंगाबाई गंगाराम गोणेकर, केरबा मरीबा वाघमारे, रामा विठ्ठल एकबे यांच्या स्वाक्षऱ्या आहेत.
