पालकमंत्री अतुल सावे यांचा मुखेड दौरा
New Bharat Times नेटवर्क
नांदेड : लेंडी प्रकल्पाच्या पाण्यात संसार उध्वस्त झाल्यानंतर जिल्ह्याचे पालकमंत्री कुठे आहेत असा प्रश्न उपस्थित करण्यात येत होता. तर दुसरीकडे चौफेर टिकेनंतर जिल्ह्याचे पालकमंत्री नांदेड शहरात अवतरले असून. ते मुखेड तालुक्यातील हसनाळसह अन्य भागाचा दौरा करुन उध्वस्त झालेल्या संसाराचे अवशेष पाहणार आहेत.
राज्याचे इतर मागास बहुजन कल्याण, दुग्धविकास, अपारंपारिक ऊर्जा, दिव्यांग कल्याण मंत्री तथा नांदेड जिल्ह्याचे पालकमंत्री अतुल सावे हे नांदेड दौऱ्यावर येत असून त्यांचा दौरा कार्यक्रम पुढीलप्रमाणे राहील. रविवार 24 ऑगस्ट २०२५ रोजी सकाळी 9 वा. छत्रपती संभाजीनगर येथून वाहनाने शासकीय विश्रामगृह नांदेड येथे आगमन व राखीव. सकाळी 10 वा. अतिवृष्टीमुळे झालेल्या नुकसानीच्या अनुषंगाने बैठक. स्थळ: शासकीय विश्रामगृह, नांदेड. सकाळी 11 वा. शासकीय विश्रामगृह, नांदेड येथून हसनाळ ता.मुखेड जि.नांदेडकडे वाहनाने प्रयाण. दुपारी 12 वा. हसनाळ ता.मुखेड येथे आगमन व अतिवृष्टी झालेल्या भागाची पाहणी. दुपारी 12.45 वा. हसनाळ येथून रावणगाव ता.मुखेडकडे वाहनाने प्रयाण. दुपारी 1.15 वा. रावणगाव ता. मुखेड जि. नांदेड येथे आगमन व अतिवृष्टी झालेल्या भागाची पाहणी.
दुपारी 1.45 वा. रावणगाव येथून मुक्रमाबादकडे वाहनाने प्रयाण. दुपारी 2 वा. मुक्रमाबाद ता. मुखेड जि. नांदेड येथे आगमन व अतिवृष्टी झालेल्या भागाची पाहणी. सोईनुसार मुक्रमाबाद ता. मुखेड येथून शासकीय विश्रामगृह, नांदेडकडे वाहनाने प्रयाण. सोईनुसार शासकीय विश्रामगृह नांदेड येथे आगमन व राखीव. सोईनुसार शासकीय विश्रामगृह नांदेड येथून छत्रपती संभाजीनगरकडे वाहनाने प्रयाण करतील.
