ताकबीड येथे रणजित पाटील कुरे गटाचे उमेदवारी अर्ज दाखल ; प्रचंड गर्दी, महिला भगिनी व युवा वर्गाची मोठी उपस्थिती

New Bharat Times नेटवर्क

नायगाव :- तालुक्यातील होऊ घातलेल्या ग्रामपंचायत निवडणूकीत ताकबीड येथे रणजित पाटील कुरे गटाने मोठे शक्ती प्रदर्शन करत सरपंच पदाचे उमेदवार सौ.कल्पना रणजित कुरे यांनी उमेदवारी अर्ज सादर केला.

नामनिर्देशन पत्र सादर करत असताना गावातील तरुण वर्गाने मोठा सहभाग नोंदवत मोटारसायकल रॅली आणि वाहनाच्या ताफ्यासह सरपंच पदासह अन्य सदस्य पदाचे उमेदवारी अर्ज सादर केले.

यामध्ये सदस्य पदासाठी ग्रामविकास पॅनलचे प्रभाग क्रमांक १ मधून सौ.अनुसया दिंगबर कुरे, महानंदा आनंद कुरे, रेणुकाबाई हिरामण कुरे, शिवनंदा ओमनाथ कुरे प्रभाग २ मध्ये मारोती विश्वनाथ अभंगे, गंगाबाई संभाजी शिरधे प्रभाग ३ मध्ये विठाबाई लिंगेश्वर मंडलापुरे, दिंगबर गोविंद इंगळे, विमल तुकाराम इंगळे यांनी नामनिर्देशन भरले.

गावात वाहत असलेले बदलाचे वारे विशेषतः मतदारात असणारी नाराजी यामुळे ग्रामविकास पॅनलला मोठ्या प्रमाणावर प्रतिसाद मिळत आहे. यावेळी पॅनलचे सर्व जेष्ठ मार्गदर्शक दिंगबर पा. कुरे, दिंगबर पा.वरवटे, मदन पा.कुरे,हिरामण पा.कुरे, देवराव पा.कुरे, गोविंद नागोबा इंगळे, पंढरी इंगळे, मंडलापुरे मारोती देवलिंग, माधव हरी वरवटे, शंकर माधव टेकाळे, दौलत हरी कुरे, यासह कुरे, मंडलापुरे, वरवटे, टेकाळे, मावदंगे, शेख, इंगळे, शिरधे, झगडे बांधव उपस्थित होते.